اردو 28 دوستی شاعری

 1: ستاروں سے آگے جہاں اور بھی ہیں 

 ابھی عشق کے امتحاں اور بھی ہیں 

2: جنہیں میں ڈھونڈھتا تھا آسمانوں میں زمینوں میں

 وہ نکلے میرے ظلمت خانۂ دل کے مکینوں میں 

3: جمہوریت اک طرز حکومت ہے کہ جس میں 

 بندوں کو گنا کرتے ہیں تولا نہیں کرتے

4: جلال پادشاہی ہو کہ جمہوری تماشا ہو 

 جدا ہو دیں سیاست سے تو رہ جاتی ہے چنگیزی 

5: جس کھیت سے دہقاں کو میسر نہیں روزی

 اس کھیت کے ہر خوشۂ گندم کو جلا دو

6: جب عشق سکھاتا ہے آداب خودآگاہی 

 کھلتے ہیں غلاموں پر اسرار شہنشاہی 

7: تیرا امام بے حضور تیری نماز بے سرور

 ایسی نماز سے گزر ایسے امام سے گزر 

8: تو ہے محیط بیکراں میں ہوں ذرا سی آب جو 

 یا مجھے ہمکنار کر یا مجھے بے کنار کر

9: تو نے یہ کیا غضب کیا مجھ کو بھی فاش کر دیا

 میں ہی تو ایک راز تھا سینۂ کائنات میں 

10: تو قادر و عادل ہے مگر تیرے جہاں میں

 ہیں تلخ بہت بندۂ مزدور کے اوقات 

11: تو شاہیں ہے پرواز ہے کام تیرا 

 ترے سامنے آسماں اور بھی ہیں 

12: تمنا درد دل کی ہو تو کر خدمت فقیروں کی

 نہیں ملتا یہ گوہر بادشاہوں کے خزینوں میں 

13: سبق ملا ہے یہ معراج مصطفی سے مجھے

 کہ عالم بشریت کی زد میں ہے گردوں 

14: سارے جہاں سے اچھا ہندوستاں ہمارا

 ہم بلبلیں ہیں اس کی یہ گلستاں ہمارا 

15: زندگانی کی حقیقت کوہ کن کے دل سے پوچھ

 جوئے شیر و تیشہ و سنگ گراں ہے زندگی

16: زمانہ عقل کو سمجھا ہوا ہے مشعل راہ 

 کسے خبر کہ جنوں بھی ہے صاحب ادراک

17: زمام کار اگر مزدور کے ہاتھوں میں ہو پھر کیا

 طریق کوہکن میں بھی وہی حیلے ہیں پرویزی 

18: روز حساب جب مرا پیش ہو دفتر عمل 

 آپ بھی شرمسار ہو مجھ کو بھی شرمسار کر 

19: رشی کے فاقوں سے ٹوٹا نہ برہمن کا طلسم 

 عصا نہ ہو تو کلیمیؑ ہے کار بے بنیاد 

20: دنیا کی محفلوں سے اکتا گیا ہوں یا رب 

 کیا لطف انجمن کا جب دل ہی بجھ گیا ہو 

21: دل سے جو بات نکلتی ہے اثر رکھتی ہے

 پر نہیں طاقت پرواز مگر رکھتی ہے 

22: دل سوز سے خالی ہے نگہ پاک نہیں ہے

 پھر اس میں عجب کیا کہ تو بیباک نہیں ہے 

23: خودی کو کر بلند اتنا کہ ہر تقدیر سے پہلے

 خدا بندے سے خود پوچھے بتا تیری رضا کیا ہے 

24: خودی وہ بحر ہے جس کا کوئی کنارہ نہیں

 تو آب جو اسے سمجھا اگر تو چارہ نہیں 

25: خداوندا یہ تیرے سادہ دل بندے کدھر جائیں

 کہ درویشی بھی عیاری ہے سلطانی بھی عیاری 

26: حیا نہیں ہے زمانے کی آنکھ میں باقی 

 خدا کرے کہ جوانی تری رہے بے داغ

27: حکیم و عارف و صوفی تمام مست ظہور 

 کسے خبر کہ تجلی ہے عین مستوری 

28: حرم پاک بھی اللہ بھی قرآن بھی ایک 

 کچھ بڑی بات تھی ہوتے جو مسلمان بھی ایک