اردو 19 مرزا غالب شاعری

 1: آہ کو چاہیئے اک عمر اثر ہوتے تک 

کون جیتا ہے تری زلف کے سر ہوتے تک

2: نہ تھا کچھ تو خدا تھا کچھ نہ ہوتا تو خدا ہوتا 

ڈبویا مجھ کو ہونے نے نہ ہوتا میں تو کیا ہوتا 

3: بسکہ دشوار ہے ہر کام کا آساں ہونا 

آدمی کو بھی میسر نہیں انساں ہونا 

4: ہیں اور بھی دنیا میں سخن ور بہت اچھے 

کہتے ہیں کہ غالبؔ کا ہے انداز بیاں اور 

5: رنج سے خوگر ہوا انساں تو مٹ جاتا ہے رنج 

مشکلیں مجھ پر پڑیں اتنی کہ آساں ہو گئیں

6: بازیچۂ اطفال ہے دنیا مرے آگے 

ہوتا ہے شب و روز تماشا مرے آگے

7: کعبہ کس منہ سے جاوگے غالبؔ 

شرم تم کو مگر نہیں آتی 

8: ریختے کے تمہیں استاد نہیں ہو غالبؔ 

کہتے ہیں اگلے زمانے میں کوئی میرؔ بھی تھا 

9: درد منت کش دوا نہ ہوا 

میں نہ اچھا ہوا برا نہ ہوا 

10: کوئی میرے دل سے پوچھے ترے تیر نیم کش کو 

یہ خلش کہاں سے ہوتی جو جگر کے پار ہوتا 

11: قرض کی پیتے تھے مے لیکن سمجھتے تھے کہ ہاں 

رنگ لاوے گی ہماری فاقہ مستی ایک دن 

12: کہاں مے خانہ کا دروازہ غالبؔ اور کہاں واعظ 

پر اتنا جانتے ہیں کل وہ جاتا تھا کہ ہم نکلے 

13: ہم کو معلوم ہے جنت کی حقیقت لیکن 

دل کے خوش رکھنے کو غالبؔ یہ خیال اچھا ہے 

14: ہزاروں خواہشیں ایسی کہ ہر خواہش پہ دم نکلے 

بہت نکلے مرے ارمان لیکن پھر بھی کم نکلے 

15: ان کے دیکھے سے جو آ جاتی ہے منہ پر رونق 

وہ سمجھتے ہیں کہ بیمار کا حال اچھا ہے 

16: محبت میں نہیں ہے فرق جینے اور مرنے کا 

اسی کو دیکھ کر جیتے ہیں جس کافر پہ دم نکلے 

17: عشرت قطرہ ہے دریا میں فنا ہو جانا 

درد کا حد سے گزرنا ہے دوا ہو جانا

18: رگوں میں دوڑتے پھرنے کے ہم نہیں قائل 

جب آنکھ ہی سے نہ ٹپکا تو پھر لہو کیا ہے 

19: یہ نہ تھی ہماری قسمت کہ وصال یار ہوتا 

اگر اور جیتے رہتے یہی انتظار ہوتا